Kamfanin OCP Africa Ya Shirya Zuba Jari A Bangaren Noman Jihar Katsina
- Katsina City News
- 28 Aug, 2024
- 306
Katsina, Najeriya - 28 ga Agusta, 2024 - Wata tawaga daga kamfanin OCP Africa, jagora a samar da sinadarin phosphate da kayan amfaninsa a duniya, ta gana da Gwamnan Jihar Katsina, Malam Dikko Umaru Radda, domin tattauna hanyoyin hadin kai wajen inganta harkokin noma a jihar.
An tattauna kan shirye-shiryen hadin kai da suka hada da tsarin Agribooster, OCP Farm da Fortune Hubs, aikin OCP School Lab, da kuma shirin More Food Initiative, wadanda duk suke nufin bunkasa aikin noma da dorewar sa a Jihar Katsina.
Bangarorin biyu sun amince su sanya hannu kan yarjejeniyar fahimtar juna (MoU) domin kafa tsarin aiki na hadin kai tare da gano manyan ayyukan da za a fara aiwatarwa nan take.
Gwamna Radda ya umarci Kwamishinan Noma da Raya Karkara da kuma Babban Mashawarci na Tattalin Arziki da su tabbatar da fara aiwatar da wadannan ayyuka.
Hadin gwiwar yana nufin farfado da wuraren hada sinadarin taki na gwamnati da suka dade ba sa aiki, kafa taswirar sinadarin kasa, da kuma aiwatar da tsarin dijital na Udongo don kara samun ci gaba a bangaren noma.
Zuba jari daga OCP Africa ana sa ran zai taka muhimmiyar rawa wajen bunkasa bangaren noma na Jihar Katsina, wanda zai inganta rayuwar manoma da tattalin arzikin jihar.
Search
Category
Tags
Social Media
Related Posts
TARIHIN POLO A KATSINA.
- Katsina City News
- 22 Dec, 2024
